Përshkrim
Fenomeni editorial FOURTH WING edhe në shqip.
Rebecca Yarros
FOURTH WING
E përktheu: Agim Doksani
Nr. i faqeve: 688
FOURTH WING – KRAHU I KATËRT
Hyni në botën elitare të luftës mes kalorësve të dragonjve, nga autorja bestseller Rebecca Yarros.
* * *
Njëzetvjeçarja Violetë Sorengeill duhej të hynte në Kuadratin e Shkruesve, me një jetë të qetë mes librave e historisë. Por gjeneralja që komandonte, nëna e saj e ashpër, e urdhëroi vajzën të hynte mes qindra kandidatëve që synonin të bëheshin elita e Navarrës: ajo e kalorësve të dragonjve. Por, kur je më i vogël se të tjerët dhe me trup të dobët, vdekja ndodhet vetëm një hap larg… sepse dragonjtë nuk shoqërohen me njerëzit “e brishtë”. Por i djegin.
Meqë kishte më pak dragonj se konkurrentë, shumë prej tyre donin ta hiqnin qafe Violetën për të rritur mundësitë e veta për sukses. Të tjerë donin ta vrisnin si ndëshkim për nënën e saj të pushtetshme që aq fort i trembeshin, përfshi dhe Ksaden Rajorsonin, kalorësin më të fuqishëm dhe të pamëshirshëm të Kuadratit të Kalorësve. Prandaj, i duheshin përpjekje dhe durim i madh për të mbetur gjallë deri mëngjesin tjetër.
Çdo ditë që kalonte, lufta bëhej më e egër, masat mbrojtëse të mbretërisë po binin një e nga një dhe vdekjet po shtoheshin. Si për ta rënduar gjendjen, Violeta nisi të dyshonte se udhëheqësit fshihnin një sekret të tmerrshëm. Miqtë, armiqtë, të dashurit. Të gjithë dukej se kishin agjendat e veta në akademinë ushtarake të Basgiathit sepse, kur hyje aty, kishte vetëm dy rrugë për të dalë: ose i diplomuar, ose i vdekur.
Albanian 
English